પાંચ ગંગાસ્વરૂપ મહિલાઓને સિવણ મશીનનો અર્પણ કરાયા

ભુજની માનવજ્યોત સંસ્થા દ્વારા દાતાશ્રી સ્વ. ગૌરીબેન મોહનલાલ મહેતા હસ્તે રમાબેન શિરિષભાઇ મહેતા- વર્ધમાનનગર-કચ્છ હાલે અમેરિકા પરિવારનાં સહયોગથી પાંચ ગંગાસ્વરૂપ મહિલાઓને સિવણ મશીનો અર્પણ કરાતાં ગંગાસ્વરૂપ મહિલાઓએ અનેરી ખુશી વ્યક્ત કરી હતી. અત્યાર સુધીમાં માનવજ્યોત સંસ્થાએ 671 ગંગાસ્વરૂપ મહિલાઓને સિલાઇ મશીનો અર્પણ કરી પગભર કરવાનાં પ્રયત્નો કર્યા છે. દાતાશ્રીની અંતરની ભાવનાઓને બિરદાવી દાતા પરિવારશ્રીનો આભાર માનવામાં આવેલ.

સુરેશભાઇ માહેશ્ર્વરીએ પ્રસંગ મહત્વ સમજાવતાં જણાવ્યું હતું કે, ગંગાસ્વરૂપ મહિલાઓને પગભર કરવા તથા તેઓ ઘેર બેસી સિવણનું કાર્ય કરી સમાજમાં સ્વમાન સાથે જીવી શકે તેવા ઉદેશ સાથે આવા મહિલાઓને દાતાશ્રીઓના સહયોગથી સિવણ મશીન અપાતા હોય છે.

કાર્યક્રમ સંચાલન પ્રબોધ મુનવરે જયારે આભાર વિધિ ભરતભાઇ બી. સોનીએ કરેલ. વ્યવસ્થા આનંદ રાયસોની, દિપેશ શાહ, રફીક બાવા, નીતીનભાઇ ઠક્કર, ગોવિંદભાઇ પાટીદાર, કનૈયાલાલ અબોટી, પ્રતાપ ઠક્કર, શ્રવણ ડાભીએ સંભાળી હતી.